Sápmelaš kulturárbbi ontologalaš politihkka
Dán diehtaga, govva- ja videodáidaga, duodjeárbevieru ja -aktivismma, njálmmálaš dáidaga, lyrihka ja rap-musihka ođđa ja innovatiivvalaš vugiin ovttastahtti fidnus mii suokkardit sápmelaš duođalašvuođaid ja boahttevuođaid: man earálágan vugiin daid lea vejolaš buvttadit ja eallit duohtan? Makkár sáhttá leat ovdamearkka dihte árbevirolaš ja seammás árbevieruid hásti, beali váldi duodji dahje máinnasteapmi? Fidnus mii ovddidit sápmelaččain vuolgi, sápmelaš árbevieruide ja lassin dáidaga, diehtaga ja árbevieru vuorrováikkuhussii vuođđuduvvi vugiid meroštallat, dulkot, ráhkadit ja ovdanbuktit kulturárbbi, dan máŋggalágašvuođa ja vejolaš ruossalasvuođaid. Nappo dan iešguđetlágan politihkalaš ontologiijaid. Fidnu ollašuhttá máŋggaid dáiddalaš ollisvuođaid, earret eará máŋggaáiccolaš hybridadáiddaduoji, oanehisfilmma ja davvi- ja anárašgielat rap-albuma.
1.1.2019-31.12.2021
SÁMI Ontologies 